Organizaçons de distintos continentes denunciarám em janeiro a ilegalizaçom de Causa Galiza e o eventual juízo político

 A resposta à ilegalizaçom de Causa Galiza e o hipotético juízo político a nove independentistas galegas na Audiencia Nacional já adquiriu dimensom internacional. Em janeiro, lançará-se um manifesto mundial denunciando o atual processo repressivo com o apoio de dezenas de organizaçons políticas, sindicais e sociais e movimentos de liberaçom nacional de distintos continentes.

Neste momento, o manifesto traduz-se a distintos idiomas e contata-se com coletivos internacionalistas para que o fagam circular. A declaraçom publicará-se num web específico com o rechaço à ilegalizaçom de Causa Galiza, a denúncia da eventualidade da celebraçom do juízo político e a condena da política de terra queimada e excecionalidade mediática, policial, judicial e penitenciária a que o Estado espanhol submete o Independentismo Galego para bloquear o seu avanço.