Mais de 500 pessoas denunciam a repressom e reclamam em Compostela o arquivo do sumário da ‘Operación Jaro’

Manifa 23 abril.pngPor volta de 500 pessoas percorrérom neste domingo as ruas de Compostela aderindo assim à convocatória de 71 entidades sociais, sindicais e políticas que reivindicavam o arquivo “imediato e definitivo” do sumário da Operación Jaro, o cessamento unilateral dos operativos policiais que tenhem como objetivo o combate do independentismo galego por parte do Estado espanhol e um marco real e efetivo de liberdades democráticas para a Galiza.A marcha partiu passadas as 12:00 h. da manhá da Alameda de Compostela, percorrendo as ruas Senra, Praça da Galiza, Doutor Teixeiro, República Argentina e Hórreo, para desembocar na praça do Toral onde se leu o comunicado final dos agentes convocantes por parte de Ximena González, da associaçom cultural A Galleira de Ourense, e Paulo Tobio, cantante de Liska, após a apresentaçom do ato por Cristina Rodríguez, da plataforma de familiares de independentistas pres@s Que Voltem!

Consignas como Democracia para Galiza; Basta já de montagens policiais; Audiencia Nacional, tribunal fascista ou Nom é democracia: é neofranquismo escuitárom-se nos aproximadamente 60 minutos que durou a mobilizaçom, encabeçada por umha faixa levada por parte das entidades convocantes e umha segunda d@s nove independentistas que neste momento tenhem aberto um sumário no tribunal de exceçom espanhol. O ato rematou com o canto do hino nacional.

Diversos videos

Além desta informaçom, podedes consultar também o material audiovisual gravado respetivamente polas por duas iniciativas populares que trabalham na visibilizaçom da mobilizaçom popular: Galiza Contrainfo e GzVideos figérom, mais umha vez, um excelente trabalho para socializar reclamaçons que, como estas, som veladas polos meios de difusom e propaganda. Por sua parte, a televisom pública autonómica TVG também abordou no Telejornal de meio-dia o decurso da manifestaçom.

Anúncios

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão / Alterar )

Imagem do Twitter

Está a comentar usando a sua conta Twitter Terminar Sessão / Alterar )

Facebook photo

Está a comentar usando a sua conta Facebook Terminar Sessão / Alterar )

Google+ photo

Está a comentar usando a sua conta Google+ Terminar Sessão / Alterar )

Connecting to %s