Teimudamente alçadas

Facebook bom

   Tomamos a palavra-de-ordem Teimudamte alçadas, e desenhamos a iconografia desta campanha de denúncia da repressom política, inspiradas e inspirados na cançom do cantautor catalám Lluís Llach Tossudament Alçats. Mais umha vez, como com L’Estaca, um hino à liberdade e, neste caso, a independência nacional. Um canto para exprimir a nossa vontade de seguirmos teimudamente alçadas e alçados nesta luita sejam quais forem as repressons exercidas e os obstáculos interpostos.

TOSSUDAMENT ALÇATS / TEIMUDAMENTE ALÇADAS

Aquí estamos, teimudamente alçados,
proclamando o nome, o tempo e o lugar
que nos dói e nos pertence,
se queres com os punhos bem abertos,
se é preciso com os punhos bem pechos,
com tal de que o nosso sonho se faga possível.

Novamente e livres de nostálgias
gente de aquí e dalá damo-nos o direito a escrever o futuro
pensando que este velho país
é ainda o caminho
que nos permita ir muito mais longe e nos achegue
até o arte de viver.

Umha luz, umha luz, umha luz cega-nos os olhos,
o desejo de um mundo novo desde as nossas raízes,
umha luz, umha luz, umha luz abre-nos os olhos,
tenazmente somos de aqui para conviver o universo.

Conhecendo as pedras do caminho,
nom é tanto um sonho, quanto a medida da nossa liberdade.
O desejo que nasce en nós,
as ánsias de sonhar um futuro,
que faremos nosso se juntamos as maos para um mundo possível.

Umha luz, umha luz, umha luz cega-nos os olhos,
o desejo de um mundo novo desde as nossas raízes,
umha luz, umha luz, umha luz abre-nos os olhos,
tenazmente somos de aqui para conviver o universo.

Anúncios