Qual foi o papel dos meios?

Montagem   Os principais meios de TV, radiofónicos, impressos e digitais espanhóis que operam na Galiza som hoje propriedade da Banca. Esta realidade inegável determina a sua submissom a certos interesses e estratégias. No caso das nossas detençons, os mass mídia limitárom-se como é tradiçom a difundir a versom policial, evitar o contraste entre fontes, criar alarme social e celebrar um juízo mediático express e inapelável que afirmasse as acusaçons policiais.

   Desta prática tam tradicional como desonesta nom fugiu a Televisión de Galicia, meio público controlado polo Partido Popular que se subordinou desde os primeiros momentos da operaçom policial às diretrizes do Ministerio de Interior. Como afirma a doutora em Ciências da Informaçom Helena Domínguez, os mass mídia fôrom mais umha vez “instrumento propagandístico” ao serviço da estratégia do Estado.