Independentistas galegos detidos na ‘Operación Jaro’ reunírom-se com a CUP no Parlament de Catalunha

nos-com-eles A gira catalá iniciada para denunciar a ilegalizaçom de Causa Galiza e o processo penal aberto a nove independentistas galegas começou onte. A primeira cita foi no Parlament de Catalunha. Lá, a delegaçom composta polos companheiros Antom Árias Curto e Borxa Mejuto Rei reuniu-se às 18:00 h. com Isabel Chacón e Carles Riera, respetivamente, coordenadora do grupo parlamentar e responsável polas Relaçons Internacionais da formaçom independentista catalá.

Riera foi, aliás, presidente do Centre Internacional Escarré per a les Minories Ètniques i les Nacions (CIEMEN). A delegaçom galega informou à CUP da operaçom policial e judicial aberta contra o independentismo galego politicamente organizado. Aliás, expujo a situaçom judicial de Causa Galiza e a eventualidade dum processo penal a 9 militantes “investigadas” por delitos de “integraçom em organizaçom armada” e “enaltecimento do terrorismo”.

Compromissos

Chacón informou das principais iniciativas políticas que a CUP tem atualmente em curso. Por sua parte, Riera transmitiu a possibilidade de apresentar umha moçom no Parlament em solidariedade com Causa Galiza e também nos concelhos cataláns onde reside um amplo número de galegos e galegas. Por último, a CUP comprometeu-se a fazer circular o Manifesto Internacional que lançaremos em janeiro na Coordenadora da Esquerda Independentista.

Desde aqui, apenas exprimir à CUP a nossa satisfaçom pola acolhida oferecida à nossa delegaçom e o exemplo prático de solidariedade internacionalista dado perante a ofensiva repressiva que afronta o independentismo galego.

Anúncios

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão / Alterar )

Imagem do Twitter

Está a comentar usando a sua conta Twitter Terminar Sessão / Alterar )

Facebook photo

Está a comentar usando a sua conta Facebook Terminar Sessão / Alterar )

Google+ photo

Está a comentar usando a sua conta Google+ Terminar Sessão / Alterar )

Connecting to %s