Europa lava-se as maos perante a repressom policial e judicial desatada contra o independentismo galego

juncker Europa olha para outra parte com a Operación Jaro. A resposta dada hoje pola Comissom Europeia (CE) à pergunta apresentada em 29 de setembro é eloquente. Assegura este organismo que “nom pode fazer mais” perante a questom apresentada pola coligaçom Os Povos Decidem relativa à ilegalizaçom de Causa Galiza e o processo penal aberto contra nove independentistas galegos e galegas.

Assegura a Comissom, que é o órgano executivo e legislativo onde se integram membros dos 28 estados que integram a UE, que “nom está ao corrente de operaçons policiais e procedimentos judiciais em Espanha como os mencionados pola sua Senhoria” [refire-se ao eurodeputado basco Josu Juaristi, de EH Bildu, que introduz a questom].

A respeito da interrogante apresentada por Juaristi sobre a vulneraçom dos direitos fundamentais das nove militantes de Causa Galiza detidas na Operación Jaro, a CE refire-se à Carta de Direitos Fundamentais para indicar a continuaçom que “no assunto a que se refire a Sua Senhoria, compete unicamente aos Estados membros garantir a observáncia das suas obrigas em matéria de direitos fundamentais”.

Estudando novas vias

Europa proclama pois que a operaçom policial desatada há agora um ano contra umha organizaçom política galega é um “assunto interno” do Reino de Espanha e inibe-se frente à ilegalizaçom e o processamento judicial de independentistas galegos. Por parte das militantes investigadas, estám-se a estudar agora novas vias de atuaçom à procura de que, também no ámbito institucional, se produza a visibilizaçom deste processo repressivo.

Anexamos ao pé desta informaçom a comunicaçom literal enviada hoje pola CE.

europa_resolucom

Anúncios

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão / Alterar )

Imagem do Twitter

Está a comentar usando a sua conta Twitter Terminar Sessão / Alterar )

Facebook photo

Está a comentar usando a sua conta Facebook Terminar Sessão / Alterar )

Google+ photo

Está a comentar usando a sua conta Google+ Terminar Sessão / Alterar )

Connecting to %s