CIG colaborará na denúncia da ilegalizaçom e o hipotético juízo político

cig   As independentistas encausadas na Operación Jaro contatamos recentemente com o sindicato nacionalista CIG para recabar o seu compromisso na denúncia do atual processo repressivo no mundo laboral. Esta solicitude assumida pola central galega concretará-se após o verao na leitura dum manifesto informativo nas assembleias de delegadas e delegados da CIG em todo o País e o debate sobre a significaçom política da ilegalizaçom.

Aliás, processadas e processados dirigiremo-nos também a seçons sindicais e comités de empresa para transmitirmos, em pessoa, naquelas seçons e comités que o desejem, informaçom contrastada sobre o processo e as nossas perspetivas, destacando a gravidade do salto qualitativo que implica a ilegalizaçom de organizaçons independentistas. Vaia desde aqui o nosso agradecimento sincero ao principal sindicato nacionalista galego por esta contribuiçom generosa à denúncia da repressom política.

Anúncios